Ítalíumeistarar Inter ætla að bæta við sig öðrum sóknarmanni áður en glugginn lokar í næstu viku en félagið er í viðræðum við Torino um Andrea Belotti.
Inter seldi Romelu Lukaku til Chelsea fyrir metfé á dögunum eða um 97 milljónir punda.
Félagið fékk Edin Dzeko frá Roma en vill bæta við sig öðrum framherja.
Samkvæmt Gianluca Di Marzio þá er Inter í viðræðum við Torino um Andrea Belotti.
Belotti hefur komið að 132 mörkum í 230 leikjum með Torino en hann varð Evrópumeistari með ítalska landsliðinu í sumar.
Hann vill þó taka næsta skrefið á ferlinum eftir að hafa verið í erfiðri baráttu með Torino síðustu ár.
Athugasemdir