Nýr samningur hans gildir til ársins 2023.

„Kristinn sem er uppalinn Bliki hóf að leika með meistaraflokki Breiðabliks árið 2007 þá aðeins 17 ára gamall. Hann varð bæði Íslands- og bikarmeistari með Blikum árið 2009 og 2010," segir í tilkynningu Blika.

Kristinn fór í atvinnumennsku 2011 og spilaði í Svíþjóð og Bandaríkjunum. Hann sneri aftur í Breiðablik í fyrra eftir að hafa spilað með FH.

Hann hefur reynst mjög mikilvægur fyrir Breiðablik upp á síðkastið og verið sérlega góður á þessari leiktíð. Kristinn hefur alls leikið 181 leik fyrir Breiðablik og skorað í þeim 58 mörk.

Fyrr í vikunni skrifaði varnarmaðurinn Viktor Örn Margeirsson undir nýjan samning við Breiðablik sem situr í þriðja sæti Pepsi Max-deildarinnar. Blikar eru einu stigi frá efstu tveimur liðunum og með leik til góða.