Kjær þótti sýna einstaka leiðtogahæfileika þegar atburðarásin átti sér stað. Hann setti Eriksen í læsta hliðarlegu og stýrði því að leikmenn danska liðsins mynduðu hring í kringum hann á meðan læknarnir sinntu honum.

Þá huggaði hann eiginkonu Eriksen meðan óvissuástand ríkti á leikvangnum.

„Þetta er eitthvað sem aldrei gleymist. Liðið brást við sem ein heild og gerði allt sem hægt var til að aðstoða," segir Kjær sem tók svo sannarlega þátt í að bjarga lífi Eriksen.