Þetta segir Sam Lee, blaðamaður Goal; hann segir að City hafi verið boðið að krækja í Ronaldo í síðustu viku.

Ronaldo var ekki í byrjunarliði Juventus í fyrstu umferð ítölsku úrvalsdeildarinnar, gegn Udinese. Samkvæmt ítalska fjölmiðlamanninum Fabrizio Romano, þá bað Ronaldo um að fá að vera á bekknum þar sem hann hefur áhuga á því að fara frá Juventus.

Ronaldo kom inn á sem varamaður í leiknum og skoraði í uppbótartíma en markið var dæmt af.

Lee segir að Man City sé að einbeita sér að því að fá Harry Kane, sóknarmann Tottenham, áður en félagaskiptaglugginn lokar.

Ronaldo, sem er 36 ára, er einn besti fótboltamaður allra tíma. Hann spilaði með erkifjendum Man City í Man Utd frá 2003 til 2009.