Benfica tryggði sér sæti í riðlakeppni Meistaradeildarinnar með markalausu jafntefli gegn PSV Eindhoven fyrr í kvöld.
Þessi árangur færði portúgölsku deildinni dýrmæt UEFA stig sem fleyta henni yfir frönsku deildina og í 5. sæti yfir sterkustu deildir Evrópu.
Oft er rætt um ensku, spænsku, ítölsku, þýsku og frönsku deildirnar sem fimm stóru deildarkeppnir Evrópu og gleymist oft að telja Portúgal með í dæmið.
Fjórar sterkustu deildirnar á UEFA-listanum mega senda fjögur félög í Meistaradeild Evrópu og þrjú í Evrópudeildina. Næstu tvær deildir fyrir neðan mega aðeins senda þrjú félög í Meistaradeildina.
Benfica, Sporting CP og Porto munu taka þátt fyrir hönd Portúgal í riðlakeppni Meistaradeildarinnar í ár. Lille og PSG keppa fyrir Frakkland en Mónakó mætir Shakhtar Donetsk í úrslitaleik um sæti í riðlakeppninni annað kvöld.
UEFA-listinn:
1. England 87.926
2. Spánn 80.570
3. Ítalía 63.616
4. Þýskaland 61.427
5. Portúgal 44.216
6. Frakkland 43.498
7. Holland 33.100
8. Skotland 31.200
9. Rússland 30.682
10. Austurríki 30.050
Athugasemdir