Willian gæti farið frá Arsenal áður en glugginn lokar
Brasilíski vængmaðurinn Willian gæti verið á förum frá Arsenal aðeins ári eftir að hann gekk til liðs við félagið en samkvæmt ensku miðlunum er hann á leið til Corinthians í Brasilíu.
Willian er 33 ára gamall og kom til Arsenal á frjálsri sölu frá Chelsea á síðasta ári.
Hann skoraði aðeins eitt mark í 37 leikjum með liðinu og var langt frá sínu besta formi.
Brassinn hefur ekkert komið við sögu með Arsenal á þessari leiktíð og samkvæmt ensku miðlunum er hann að öllum líkindum á leið til Corinthians á frjálsri sölu.
Willian er á 150 þúsund pundum á viku hjá Arsenal og Corinthians hefur svo sannarlega ekki efni á því að borga slík laun. Það gæti farið svo að enska félagið samþykki að greiða hluta af launum hans.
Leikmaðurinn sjálfur hefur ekki áhuga á því að yfirgefa Evrópu eins og staðan er í dag. Glugginn lokar eftir viku og verður fróðlegt að sjá hvað verður um Willian.
Athugasemdir
