Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 24. september 2018 09:30
Ívan Guðjón Baldursson
Götze til Liverpool?
Powerade
Mynd: Getty Images
Mynd: Getty Images
Það er rólegur mánudagur í slúðurheiminum. BBC tók saman það helsta.



Chris Smalling, 28, er við það að skrifa undir nýjan samning við Manchester United. Núverandi samningur hans rennur út næsta sumar. (Star)

Mario Götze, 26, er að skoða að ganga til liðs við Jürgen Klopp hjá Liverpool. (Sky)

David Beckham er búinn að eiga samtal við Zinedine Zidane um að taka við stjórn á Inter Miami í MLS deildinni. Beckham er eigandi Inter og fær félagið þátttökurétt í MLS árið 2020. (Mirror)

Wolves hefur skellt 110 milljón punda verðmiða á portúgalska miðjumanninn Ruben Neves, 21. (Times)

Rafael Benitez vonar að Mike Ashley, eigandi Newcastle, geti hjálpað félaginu í næsta félagaskiptaglugga eftir að hafa horft á markalaust jafntefli við Crystal Palace. (Telegraph)

Chris Sutton, fyrrverandi sóknarmaður Celtic og Blackburn, segir tilraunir Man Utd til að skora sigurmark gegn Wolves hafa verið „eins og að horfa á Wimbledon á níunda áratugnum". (Mail)

Paul Pogba, 25, vill að Man Utd fái meira frelsi til að sækja eftir 1-1 jafntefli við nýliða Wolves. (Mail)

Sergio Busquets, 30, er að skrifa undir nýjan samning við Barcelona. (ESPN)

Eden Hazard segist vera 200% klár í slaginn eftir að hafa verið hvíldur í vikunni. Honum tókst þó ekki að skora í markalausu jafntefli gegn West Ham í gær. (Sky)

Loris Karius, 25, var lánaður til Besiktas í Tyrklandi eftir röð mistaka í úrslitaleik Meistaradeildarinnar. Hann segist nota Oliver Kahn til að gefa sér innblástur, en þýska goðsögnin gerði afdrifarík mistök í úrslitaleik HM 2002 þar sem Þjóðverjar töpuðu fyrir Brasilíu. (Bild)

Leikmönnum Everton finnst vera of mikill undirbúningur fyrir úrvalsdeildarleiki undir stjórn Marco Silva. (Sun)

Matteo Guendouzi, 19 ára ungstirni Arsenal, segir að Thierry Henry og Patrick Vieira hafi orðið til þess að hann varð ástfanginn af félaginu. (L'Equipe)

Real Madrid ætlar að nota 500 milljónir punda til að endurhanna Santiago Bernabeu. (Mail)

West Brom er að krækja í Lewis Archer, 20 ára sóknarmann Hednesford Town í utandeildinni. Félagið er að leita að næsta Jamie Vardy. (Express)

Það kom í ljós að Nemanja Matic, 30, gaf fjögurra ára samlanda sínum 70 þúsund evrur til að fara í sérstaka krabbameinsmeðferð. Gjöfin var nafnlaus. (Mirror)
Athugasemdir
banner
banner
banner
banner