Leikurinn reyndist erfiður fyrir Bournemouth enda fá lið sem ná að stoppa Manchester City þessa dagana, niðurstaðan var 4-0 sigur heimamanna.

„Þetta var erfiður leikur gegn mjög góðu liði, það var alltaf að fara verða erfitt að stoppa þá," sagði Eddie Howe.

„Fyrsta markið var að miklu leyti okkar sök og það breyti leiknum. Við tókum margar slæmar ákvarðanir og þeir hafa leikmenn sem geta klárað leiki upp á sínar eigin spýtur."

„Allir leikir eru mikilvægir en næstu þrír leikir eru gríðarlega mikilvægir fyrir okkur, það eru margir hjá okkur á meiðslalistanum og þetta er svo sannarlega ekki besti tími ársins með það að gera."

Næsti leikur Bournemouth er á öðrum degi jóla en þeir fá þá West Ham í heimsókn.