Í Bretlandi, og á Íslandi, er fótboltinn stór hluti af jólahátíðinni.
Vefmiðillinn Football 365 ákvað að taka saman úrvalslið leikmanna sem hafa gert það gott um jólin.
Vefmiðillinn Football 365 ákvað að taka saman úrvalslið leikmanna sem hafa gert það gott um jólin.
Í úrvalsliðinu eigum við Íslendingar fulltrúa en það er Hermann Hreiðarsson. Hann fær sæti í liðinu vegna frammistöðu sinnar í leik með Charlton gegn Chelsea á öðrum degi jóla 2003.
„Fyrrum íslenski landsliðsmaðurinn Hermann Hreiðarsson leysir stöðu hægri bakvarðar í úrvalsliðinu eftir mark sitt á fyrstu mínútu fyrir Charlton gegn Chelsea í fjörugum leik 2003. John Terry jafnaði fljótt en Charlton tókst að leiða 4-1 í hálfleik. Eiður Smári Guðjohnsen, félagi Hermanns í íslenska landsliðinu, minnkaði muninn fyrir Chelsea en Charlton tókst að landa óvæntum sigri," segir í greininni.
Hermann, sem er í dag þjálfari Þróttar Vogum í 2. deild, er í liðinu ásamt Gareth Barry, Harry Kane, Juninho og fleirum góðum.
Athugasemdir