Hann hefur verið að glíma við meiðsli að undanförnu en liðið hefur náð að halda toppsætinu í ítölsku úrvalsdeildinni án hans.

Fjölskylda Zlatan býr í Svíþjóð á meðan hann býr á Ítalíu. Hann segist sakna fjölskyldu sinnar en hann hafi verið sannfærður um að vera áfram í Mílanó fyrir þetta tímabil.

„Pioli, þjálfarinn, svaraði mér að ég gæti ekki farið og að ég ætti líka fjölskyldu í Mílanó. Hann sagði að ég ætti tvo stráka þarna (í Svíþjóð) en hérna ætti ég 25 stráka og þeir þyrftu á mér að halda," sagði hinn 39 ára gamli Zlatan og var þar að tala um liðsfélaga sína.

Zlatan segir að markmiðið sé að vinna ítölsku úrvalsdeildina, en það er alls ekki óraunhæft fyrir Milan.