Danski varnarmaðurinn Andreas Christensen segir að Chelsea sé að neita að selja leikmenn. Ástæðan sé félagaskiptabannið sem félagið var dæmt í á dögunum. Chelsea er bannað að fá inn nýja leikmenn í næstu tveimur gluggum.
Chelsea var dæmt í bann fyrir að brjóta reglur sem snúa að félagaskiptum leikmanna yngri en 18 ára.
Félagið hefur neitað sök í málinu.
Christensen hefur ekki fengið mikinn spiltíma hjá Maurizio Sarri og er pirraður á stöðu sinni. „Skilaboðin sem við höfum fengið eru þau að Chelsea ætlar að halda öllum sínum leikmönnum á meðan staðan er svona," sagði Christensen við Ekstra Bladet.
„Það er mjög erfitt að sætta sig við þessa stöðu."
Athugasemdir