Karlalið Njarðvíkur er nú statt í Tyrklandi í æfingaferð. Liðið lék æfingaleik gegn tyrkneska 1. deildar liðinu Elazığspor í gær.
Njarðvík komst yfir með marki frá nýjasta leikmanni liðsins, González Lamarca, á 10. mínútu leiksins. Njarðvík fékk nokkur góð færi í fyrri hálfleik en liðið náði ekki að nýta sér þau. Hálfleikstölur, 1-0.
Heimamenn í Elazığspor komu sterkari út í síðari hálfleik og sigldu sigrinum að lokum heim eftir að hafa skorað þrjú mörk í síðari hálfleik. Lokatölur, 1-3, Elazığspor í vil.
Byrjunarlið Njarðvíkur í leiknum: Brynjar Atli, Arnar, Toni, Atli Geir, Pawel, Bergþór, Alexander, Andri Fannar, Kenny og Lamarca.
Næsti leikur hjá Njarðvík í Tyrklandi er gegn Rússneska liðinu FC Neftekhimik Nizhnekamsk á miðvikudaginn.
Hér að neðan má sjá mark Lamarca í leiknum í gær.
Athugasemdir