Þetta verður langt kvöld fyrir íslenska landsliðið í Duisburg í Þýskalandi.
Þýskaland skoraði eftir aðeins tvær mínútur og bætti við öðru marki á sjöundu mínútu.
Leon Goretzka, miðjumaður Bayern München, skoraði fyrra markið. Joshua Kimmich átti sendingu inn fyrir vörn Ísland á Serge Gnabry sem lagði hann niður fyrir Goretzka. Miðjumaðurinn átti skot sem Hannes Þór Halldórsson náði ekki að verja.
Svo skoraði Kai Havertz. Rúnar Már Sigurjónsson átti slaka sendingu og í kjölfarið átti Kimmich magnaða sendingu inn fyrir vörnina. Leroy Sane átti þá sendingu út í teiginn á Havertz sem skoraði.
Útlitið er ekki gott fyrir Ísland en hægt er að fara í beina textalýsingu hérna.
Mörk Þjóðverja má sjá hér að neðan.
Martraðarbyrjun Íslands í Duisburg. Leon Goretzka kemur Þýskalandi yfir eftir rúmlega tveggja mínútna leik. Það verður að gefa Þjóðverjum það að þetta var huggulegt mark. pic.twitter.com/pcLfIeZoYu
— RÚV Íþróttir (@ruvithrottir) March 25, 2021
Æ, æ, æ! Það er 2-0 eftir innan við sjö mínútna leik í Duisburg. Þjóðverjarnir sundurspila íslenska liðið. Kai Haverts skorar! pic.twitter.com/9sUK1z7Iq1
— RÚV Íþróttir (@ruvithrottir) March 25, 2021
Athugasemdir