Aleksandar Mitrovic var á skotskónum fyrir Serba í gær sem unnu góðan 3-2 sigur á Írlandi í Undankeppni HM 2022.
Írarnir komust yfir en Serbar svöruðu með þremur mörkum. Dusan Tadic lagði upp öll mörk heimamanna.
Mitrovic, leikmaður Fulham, gerði tvennu í leiknum og hann er nú búinn að jafna markamet Serbíu (og gömlu Yugoslavíu) aðeins 26 ára gamall. Þetta met hefur ekki verið slegið í 65 ár.
Fyrra mark hans í gær var einkar glæsilegt. Hann fékk sendingu frá Tadic og skaut boltanum snyrtilega yfir markvörð gestanna af löngu færi. Þessa snyrtilegu afgreiðslu má sjá hér fyrir neðan.
Athugasemdir