Mótanefnd KSÍ hefur staðfest með erindi til aðildarfélaga að öllum leikjum Lengjubikarsins og Reykjavíkurmóta/Faxaflóamóta yngri flokka hafi verið frestað um óákveðinn tíma, vegna þeirra samkomutakmarkana sem settar hafa verið af heilbrigðisyfirvöldum og gilda til 15. apríl.
Keppni í knattspyrnu er óheimil meðan á þessum samkomutakmörkunum stendur.
Í erindi mótanefndar til félaga segir jafnfram að framhald Lengjubikarsins 2021 verði metið á næstu dögum, en ljóst er að staða mála mun hafa áhrif á upphaf sumarmóta - Mjólkurbikar karla átti t.a.m. að hefjast 8. apríl næstkomandi.
Í A deild Lengjubikars karla var keppni komin fram í undanúrslit en í öðrum deildum karla og kvenna er keppni ekki komin jafn langt.
Mótanefnd KSÍ metur nú stöðuna sem upp er komin og verða frekari upplýsingar sendur út síðar.
Athugasemdir