Þjóðverjar eru með ótrúlega gott lið og þeir skoruðu tvö mörk snemma. Ilkay Gundogan gerði svo þriðja markið í seinni hálfleiknum en seinni hálfleikurinn hefur verið betri hjá íslenska liðinu.

Okkar menn náðu ekki að tengja saman margar sendingar í fyrri hálfleiknum og tölfræðingarnir á WhoScored vekja athygli á þessu.

Þeir benda á það að Sergio Ramos, miðvörður Spánar, hafi hitt 100 sendingum á samherja í fyrri hálfleik í leik Spánar og Grikklands. Ísland var á meðan bara með 61 sendingu, allt liðið. Það er ótrúlega mikið að einn leikmaður klári 100 sendingar í einum hálfleik.

Við vorum þó að minnsta kosti með fleiri heppnaðar sendingar en Liechtenstein, San Marínó og Andorra.