Tranmere Rovers, sem spilar í ensku C-deildinni, hefur staðið fyrir ljóðakeppni á meðal stuðningsmanna á meðan fótboltinn er í pásu.
Íslenskur stuðningsmannahópur sendi ljóð inn í keppnina á dögunum, en svo vill til að Tranmere á að minnsta kosti tvo íslenska stuðningsmannahópa.
Nú hefur nefnilega annar íslenskur stuðningsmannahópur sent inn ljóð til félagsins. Sigurður Halldórsson, sem er í stuðningsmannahópnum og stofnaði Facebook-hóp íslenskra Tranmere stuðningsmanna, segir í samtali við Fótbolta.net:
„Við erum 10-15 sem förum á leiki reglulega, en þó ekki nema kannski sjö í hvert skipti. Við gerðum þetta sirka einu sinni á vetri og höfum gert síðustu sjö árin. Einnig höfum við farið tvisvar á Wembley, í fyrra og árið þar á undan þegar við fórum úr utandeild í C-deild á tveimur árum. Við erum í góðum tengslum við félagið og reynum að hitta norsku stuðningsmennina þegar farið er á leiki."
Hér að neðan og á myndinni sem fylgir fréttinni má lesa ljóðið.
🇮🇸Icelandic #TRFC fan group @singihall have entered @TRFCCommunity poetry competition with a piece about their love for the Club!
— Tranmere Rovers FC (@TranmereRovers) April 24, 2020
See you back at Prenton Park soon #TRFCglobal #SWA pic.twitter.com/tvP568MM6U
Athugasemdir