Emelía er mjög efnileg og spilaði 12 leiki með meistaraflokki Gróttu í Lengjudeild kvenna í fyrra og skoraði eitt mark. Hún var 14 ára þegar hún skoraði.

Emelía er dóttir Óskars Hrafns Þorvaldssonar, þjálfara Breiðabliks. Orri Steinn, eldri bróðir Emelía var einnig afar ungur þegar hann skoraði sitt fyrsta mark í deildarkeppni en hann var þrettán ára þegar hann skoraði fyrir Gróttu gegn Hetti í 2. deildinni árið 2018. Orri Steinn er í dag á mála hjá FC Kaupmannahöfn í Danmörku.

Emelía er í 3. flokki og þar hefur hún fengið að spila með strákaliði Gróttu/Kríu á þessu ári. Hún hefur gert það mjög vel því hún skoraði tvennu gegn Grindavík.

Leikurinn tapaðist 2-3 en Emelía skoraði bæði mörk Gróttu í leiknum; það fyrra á 35. mínútu og það síðara eftir rúmlega klukkutíma leik.

Annað af mörkum hennar var valið mark vikunnar hjá Gróttu en það má sjá með því að smella hérna.