Það hefur ekki gengið vel hjá HK á tímabilinu.
HK hefur ekki farið vel af stað í Pepsi Max-deildinni í sumar, liðið er aðeins með tvö stig eftir fyrstu fimm leikina.
Rætt var um vandræði HK í útvarpsþættinum Fótbolta.net síðasta laugardag.
„Þeir eru aðeins að gera mann að fífli. Ég hef minnst á það áður að maður skyldi ekki í veröldinni hvernig HK ætti að enda fyrir aftan Víking og Fylki, út af hreinlega einni bestu vörninni í deildinni - þeir byggja á vörn," sagði Tómas Þór Þórðarson í útvarpsþættinum Fótbolta.net síðasta laugardag.
„Þeir eru ekkert eðlilega lélegir í vörn; Martin Rauschenberg hefur ekkert getað, Arnar ver ekki skot, Birkir Valur er á bekknum, Herra HK Leifur er á bekknum. Þeir eru ekkert eðlilega lélegir í vörn. Þetta er lið sem vinnur nánast fótboltaleiki sína á varnarleik."
„Þetta er eitt af þessum óvæntu hlutum í þessari deild. Þetta er miklu verri byrjun en maður átti von á," sagði Gunnlaugur Jónsson. „Liðið ætti að vera sterkara en í fyrra."
Hægt er að hlusta á alla umræðuna hér að neðan.
Athugasemdir
