Henrikh Mkhitaryan, leikmaður Roma, er ekki í landsliðshópi Armeníu sem spilar vináttulandsleiki gegn Króatíu og Svíþjóð í næsta mánuði.
Mkhitaryan er ekki meiddur og hann segist á Twitter ekki skilja ástæðurnar sem liggja að baki.
„Af einhverjum ástæðum þá var ekki valinn í hópinn fyrir næstu leiki. Það kemur mér á óvart," skrifar Mkhitaryan sem er stærsta nafnið í armenskum fótbolta.
„Ástæðurnar sem mér voru tjáðar eru ekki sannfærandi. Ég óska strákunum hins vegar það besta í komandi leikjum."
Mkhitaryan er 32 ára gamall og er fyrrum leikmaður Borussia Dortmund, Manchester United og Arsenal. Í dag leikur hann með Roma á Ítalíu.
Mkhitaryan á að baki 88 landsleiki fyrir Armeníu og hefur í þeim skorað 30 mörk. Armenía er í riðli með Íslandi í udankeppni HM. Þeir lögðu okkar að velli, 2-0, í mars þar sem Mkhitaryan var ekki með.
To my suprise, I’ve been informed by the coaching staff of the Armenian National Team that, for whatever reasons, I wasn’t called up for the upcoming games. The provided official reasons aren’t convincing to me. I wish however the best of luck to our boys in the matches to come.
— Henrikh Mkhitaryan (@HenrikhMkh) May 24, 2021
Athugasemdir