Tveir leikmenn úr Íslandsmeistaraliði Breiðabliks eru á leið í Harvard háskólann í Bandaríkjunum.
Þar munu þær spila fótbolta samhliða háskólanámi. Harvard er einn virtasti háskóli í heimi og er það magnað afrek að fá þar inngöngu.
Um er að ræða þær Áslaugu Mundu Gunnlaugsdóttur og Hildi Þóru Hákonardóttur.
Áslaug Munda verður tvítug á árinu en hún getur spilað sem bakvörður og kantmaður. Hún er ein af bestu leikmönnum Pepsi Max-deildarinnar og landsliðskona.
Hildur Þóra er nýorðin tvítug og lék afskaplega vel í vörninni hjá Blikum á síðustu leiktíð. Hún á að baki 25 leiki fyrir yngri landslið Íslands.
Þær mun fara í Harvard síðar á þessu ári og klára því ekki tímabilið með Kópavogsfélaginu.
Fótbolti.net óskar þeim báðum til hamingju.
We are excited about our Class of 2025 and cannot wait for them to arrive on campus!#GoCrimson https://t.co/D6ozo2dG6D
— Harvard W Soccer (@Harvard_WSoccer) May 24, 2021
Athugasemdir