„Við berum virðingu fyrir Íslandi og leikstíl þeirra. Þeir enduðu á toppi riðilsins í undankeppnina. Við þekkjum þá vel. Þetta er erfiður andstæðingur," sagði Zlatko á fréttamannafundi í dag.

Gernt Rohr, þjálfari Nígeríu, sagði eftir sigurinn gegn Íslandi að lykillinn að því að vinna sé að ná skyndisóknum. Er það eitthvað sem Króatar ætla að reyna á morgun gegn Íslandi?

„Við erum með okkar leikstíl. Við vitum allt um Ísland og þeir vita allt um okkur," sagði Zlatko á fundinum í dag.

„Við vitum hvað við þurfum að gera. Við þurfum að verjast löngum sendingum og föstum leikatriðum sem eru styrkleikar Íslands."

„Við þurfum að nota okkar leikstíl og halda boltanum. Við þurfum að vera þéttir og fljótir í vörninni. Síðan þurfum við að ógna. Þetta verður ekki auðvelt."