Markvörðurinn Alireza Beiranvand á eftir að muna eftir mánudagskvöldinu 25. júní allt sitt líf. Í kvöld spilaði hann landsleik með Íran á HM í Rússlandi gegn Portúgal. Hann stóð sína plikt í markinu og gerði sér lítið og varði víti frá Cristiano Ronaldo, einum besta fótboltamanni sögunnar.
Leikurinn endaði 1-1 en með sigri hefði Íran farið upp úr riðlinum á kostnað Portúgals. Íran var hársbreidd frá því að vinna en þeir klúðruðu dauðafæri undir lokin.
Leikurinn endaði 1-1 en með sigri hefði Íran farið upp úr riðlinum á kostnað Portúgals. Íran var hársbreidd frá því að vinna en þeir klúðruðu dauðafæri undir lokin.
Saga Alireza er ótrúleg
Þegar Hannes Þór Halldórsson varði vítaspyrnu Lionel Messi í jafntefli Íslands og Argentínu þann 16. júní síðastliðinn komst það í heimsfréttirnar að Hannes væri einnig leikstjóri og hefði leikstýrt Coca Cola auglýsingu fyrir mótið.
Sjá einnig:
Hannes hætti næstum í fótbolta eftir meiðsli við kvikmyndagerð
Saga Hannesar er mögnuð en saga Alireza er það líka, örugglega enn magnaðari en saga íslenska markvarðarins.
Í viðtali við The Guardian fyrir mótið lýsir hann því þegar hann strauk að heiman aðeins 12 ára gamall til þess að elta draum sinn að verða atvinnumaður í fótbolta. Hann var heimilislaus um tíma en komst svo að hjá fótboltaliði. Hann var í mörgum vinnum þegar hann var yngri og vann meðal annars á bílaþvottastöð þar sem hann var sérfræðingur í að þrífa stóra jeppa vegna hæðar sinnar.
Alireza elti draum sinn og gerðist atvinnumaður. Hann er í dag á mála hjá Persepolis og var í kvöld að verja víti frá einum besta fótboltamanni sögunnar, gríðarlega áhrifamikil saga.
Iran’s goalkeeper Alireza Beiranvand ran away from home, grew up homeless, and slept outside his local team's football stadium. People gave him change because they thought he was a beggar. Tonight he's just saved a penalty against Cristiano Ronaldo in the World Cup.
— Mootaz Chehade (@MHChehade) June 25, 2018
Athugasemdir