Bellerín, sem er 27 ára gamall, var á láni hjá Real Betis á síðasta tímabili og vann spænska konungsbikarinn með liðinu en hann ætlar ekki að vera áfram hjá Arsenal.

Betis hefur mikinn áhuga á að fá Bellerin aftur til félagsins en fjárhagsörðuleikar gætu komið í veg fyrir félagaskiptin.

Goal greinir nú frá því að Betis sé ekki eina liðið á Spáni sem hafi áhuga á Bellerín en Atlético Madríd ætlar að blanda sér í baráttuna um hann.

Diego Simeone, þjálfari Atlético, ætlar að fá inn hægri bakvörð í sumar en Bellerin er á óskalistanum ásamt Nordi Mukiele, Pablo Maffeo, Emerson Royal, Nahuel Molina og Jonathan Clauss.

Bellerín á eitt ár eftir af samningi sínum hjá Arsenal en hann hefur spilað 238 leiki fyrir félagið frá því hann kom frá Barcelona fyrir ellefu árum síðan.