Arsenal er að ganga frá kaupum á Gabriel Jesus frá Manchester City. Samkvæmt heimildum Sky Sports hefur City samþykkt tilboð Arsenal sem hljóðar upp á 45 milljónir punda.
Þessi 25 ára gamli framherji var ekki í lykilhlutverki hjá City á síðustu leiktíð en hann var í byrjunarliðinu í 21 leik í deildinni og skoraði 8 mörk.
Með komu Erling Haaland til City má búast við því að tækifærunum fækki enn frekar fyrir Jesus.
Arsenal virðist þá vera búið að finna framherja en Pierre-Emerick Aubameyang yfirgaf félagið fyrir Barcelona í vetur og Alexandre Lacazette yfirgaf félagið í sumar.
Athugasemdir