Bæði lið stefna á Meistaradeildarsæti og hafa gert góða hluti undanfarin ár.

RB Leipzig er við það að festa sig í sessi sem eitt af þremur bestu liðum Þýskalands á meðan Frankfurt komst alla leið í undanúrslit Evrópudeildarinnar í vor.

Bæði lið byrjuðu tímabilið á sigri þar sem Leipzig rúllaði yfir nýliða Union Berlin á meðan Frankfurt lagði Hoffenheim að velli.

Frankfurt er að venjast lífinu án Luka Jovic, sem fór til Real Madrid, og Sebastien Haller, sem fór til West Ham.

Í seinni leik dagsins á Hertha Berlin heimaleik gegn Wolfsburg. Hertha náði góðu jafntefli á útivelli gegn FC Bayern í fyrstu umferð á meðan Wolfsburg sigraði nýliðana frá Köln.

Í B-deildinni eiga Rúrik Gíslason og félagar í Sandhausen leik á útivelli gegn Heidenheim.

Bæði lið eru með fjögur stig eftir þrjár umferðir.

Leikir dagsins:
13:30 RB Leipzig - Eintracht Frankfurt
16:00 Hertha Berlin - Wolfsburg

B-deild:
11:30 Heidenheim - Sandhausen