Þrír síðustu leikir 64-liða úrslita enska deildabikarsins fara fram í kvöld og mæta fjögur úrvalsdeildarfélög til leiks.
Það verður einn leikur sýndur beint á Stöð 2 Sport 2, þegar West Bromwich Albion tekur á móti Arsenal.
West Brom féll úr úrvalsdeildinni í vor og er með tíu stig eftir fjórar umferðir í Championship á meðan Arsenal hefur farið herfilega af stað á nýju úrvalsdeildartímabili.
Newcastle United mætir þá Burnley í úrvalsdeildarslag þar sem Jóhann Berg Guðmundsson gæti fengið að spreyta sig.
Southampton á svo útileik við bikarliðið ógurlega Newport County. D-deildarliðið hefur reynst stærri andstæðingum ansi erfitt viðureignar og verður áhugavert að sjá hvernig lærisveinar Ralph Hasenhüttl höndla verkefnið.
Leikir kvöldsins:
18:45 Newcastle - Burnley
18:45 Newport - Southampton
19:00 West Brom - Arsenal (Stöð 2 Sport 2)
Athugasemdir