Correa skoraði 11 mörk í 38 leikjum í öllum keppnum á síðustu leiktíð.
Ítalskir fjölmiðlar greina frá því að Inter sé að ganga frá félagaskiptum argentínska framherjans Joaquin Correa frá Lazio.
Hinn 27 ára gamli Correa myndi koma á eins árs lánssamningi með kaupmöguleika sem hljóðar uppá 30 milljónir evra.
Correa hefur skorað 30 mörk í 117 leikjum hjá Lazio og á þrjú ár eftir af samningi sínum við félagið.
Simone Inzaghi, nýr þjálfari Inter, hefur miklar mætur á Correa eftir að hafa starfað með honum hjá Lazio undanfarin ár.
Correa myndi veita Alexis Sanchez og Edin Dzeko samkeppni um byrjunarliðssæti ásamt Lautaro Martinez í fremstu víglínu.
Correa og Lautaro eru samlandar. Correa á 8 leiki að baki fyrir argentínska landsliðið.
Athugasemdir
