Það eru þrjár umferðir eftir af tímabilinu en Valskonur eru með sjö stiga forystu á ríkjandi Íslandsmeistara Breiðabliks. Sigur í kvöld nægir liðinu til að endurheimta titilinn en þessi tvö félög hafa skipst á að vinna Íslandsmótið undanfarin ár.

Í karlaflokki ríkir einnig mikil spenna þar sem Breiðablik getur náð toppsætinu sem Valur og Víkingur R. eru að deila þessa stundina.

Breiðablik á þó ansi erfiðan útileik gegn KA sem er í næsta sæti fyrir neðan og getur blandað sér í titilbaráttuna með sigri. Það er því mikið undir á Akureyri.

FH á svo leik við Keflavík sem getur svo gott sem bjargað sér frá falli með sigri á meðan botnlið ÍA þarf sigur gegn KR sem getur enn reynt að blanda sér í titilbaráttuna.

Að lokum er leikur í 3. deild þar sem Elliði heimsækir KFS og þarf sigur til að bæta stöðuna sína í afar spennandi toppbaráttu.

Pepsi Max-deild karla
18:00 KA-Breiðablik (Stöð 2 Sport - Greifavöllurinn)
18:00 FH-Keflavík (Stöð2.is - Kaplakrikavöllur)
18:00 ÍA-KR (Stöð2.is - Norðurálsvöllurinn)

Pepsi-Max deild kvenna
18:00 Valur-Tindastóll (Stöð 2 Sport 4 - Origo völlurinn)

3. deild karla
18:00 KFS-Elliði (Hásteinsvöllur)