FC Sheriff er fyrsta liðið frá Moldóvu sem tryggir sig inn í riðlakeppni Meistaradeildar Evrópu en liðinu tókst það eftir 3-0 samanlagðan sigur gegn Dinamo Zagreb í umspilinu í kvöld.
Sheriff eða Fógetinn eins og við myndum kalla það á tandurhreinni íslensku, var stofnað árið 1997.
Fjórum sinnum hefur félagið komist í riðlakeppni Evrópudeildarinnar en þetta er í fyrsta sinn sem liðið leikur í riðlakeppni Meistaradeildar Evrópu.
Liðið vann frækinn 3-0 sigur á Zagreb í fyrri leiknum og gerði þá markalaust jafntefli í kvöld og er því komið áfram.
Shakhtar Donetsk og Salzburg fylgja þeim í riðlakeppnina en Salzburg lagði Bröndby 2-1 í kvöld á meðan Shakhtar vann Mónakó eftir framlengingu.
Úrslit kvöldsins:
Bröndby 1 - 2 Salzburg (2-4, Salzburg áfram)
Dinamo Zagreb 0 - 0 Sheriff (0-3, Sheriff áfram)
Shakhtar D 2 - 2 Mónakó (4-3, Shakhtar áfram)
Athugasemdir