Heimild: KSÍ
FC Sækó fékk verðlaun frá evrópska knattspyrnusambandinu fyrir að vera besta grasrótarverkefnið í ár.
FC Sækó var stofnað fyrir sjö árum og er sjálfstætt íþróttafélag fyrir fólk sem glímir við andleg veikindi. Starfsemin er samstarf á milli Hlutverkaseturs, velferðarsviðs Reykjavíkurborgar og Landspítalans Háskólasjúkrahúss.
UEFA segir FC Sækó vera sérstaklega mikilvægt fyrir fólk með geðheilsuvandamál enda hefur hreyfing mikilvæg áhrif á andlega og líkamlega heilsu fólks.
FC Sækó kemur fólki saman og snýst mikið um samheldni, félagsskap og liðsanda, sem eru mikilvægustu þættir knattspyrnunnar.
„Félagið vinnur frábært samfélagslegt starf með því að gefa fólki frábært tækifæri til að bæta andlega og líkamlega heilsu sína með því að deila gleði knattspyrnunnar,“ sagði Aleksander Ceferin, forseti UEFA, samkvæmt vefsíðu KSÍ.
#UEFAgrassroots awards 🏆
— UEFA (@UEFA) September 25, 2018
Gold: Best Project 🏅
🇮🇸 FC Sækó, Iceland 🇮🇸
For using football to improve the lives of people with mental health problems 👏 #BeActive
Read more 👉 https://t.co/Fefqbrd0YY pic.twitter.com/au4OS48a1J
Athugasemdir