Inter lagði Fiorentina að velli, 2-1, á Giuseppe Meazza leikvanginum í Mílanó í kvöld.

Argentínski framherjinn Mauro Icardi kom Inter yfir með marki úr vítaspyrnu undir lok fyrri hálfleiks áður en táningurinn Federico Chiesa jafnaði í byrjun síðari hálfleiks.

Það var svo ítalski bakvörðurinn Danilo D'Ambrosio sem skoraði sigurmarkið á 77. mínútu leiksins. Hann spólaði sig þá í gegnum vörn Fiorentina áður en hann skoraði.

Lokatölur 2-1 fyrir Inter sem er í fimmta sæti með 10 stig á meðan Fiorentina er í þriðja sæti með jafnmörg stig.