þri 25. september 2018 15:25
Magnús Már Einarsson
Klopp: Fólk steingleymir Chelsea
Mynd: Getty Images
Jurgen Klopp, stjóri Liverpool, segir að fólk sé að gleyma Chelsea í titilbaráttunni á Englandi.

Liverpool mætir Chelsea í enska deildabikarnum á morgun áður en liðin eigast við í ensku úrvalsdeildinni á laugardag.

„Ég veit að fólk er alltaf að tala um það, ég veit ekki alveg af hverju, að það sé pottþétt að við eða Man City verðum meistarar í lok tímabils. Fólk steingleymir Chelsea," sagði Klopp í dag.

„Liðið þeirra er reynslumikið, þeir hafa unnið titla áður og 80% af hópnum hefur tvisvar orðið meistari og veit hvernig þetta virkar.
Þetta er mjög góður hópur og mjög gott fótboltalið."


Klopp staðfesti einnig á fréttamannafundi í dag að Simon Mignolet verði í markinu í leiknum annað kvöld en Alisson fær frí.
Athugasemdir
banner
banner
banner
banner