Hörður Björgvin Magnússon, leikmaður CSKA Moskvu og íslenska landsliðsins, er í liði vikunnar í rússnesku úrvalsdeildinni en þetta er í fjórða sinn á tímabilinu sem hann er valinn í liðið.
Hörður, sem er 26 ára gamall, spilaði í hjarta varnarinnar hjá CSKA sem vann Krylia 1-0 um helgina.
Hann hefur verið lykilmaður í vörninni á þessu tímabili en liðið er í 3. sæti, sex stigum á eftir toppliði Zenit.
Hann er í liði vikunnar og er það í fjórða sinn sem hann er valinn en CSKA hefur fengið sextán mörk á sig á tímabilinu en aðeins Zenit hefur fengið færri mörk á sig í deildinni.
Hörður hefur þá skorað tvö mörk í deildinni en tveir leikir eru eftir af fyrri hluta deildarinnar áður en hún fer í vetrarfrí.
📝 Team of the Week 17 according to InStat Index#RPL pic.twitter.com/UgaXowlURG
— Russian Premier Liga (@premierliga_en) November 25, 2019
Athugasemdir