Nemanja Matic, leikmaður Manchester United, segir að Liverpool hefði aldrei tapað 7-2 gegn Aston Villa fyrr á tímabilinu fyrir framan aðdáendur.
Englandsmeistararnir töpuðu gríðarlega óvænt 7-2 gegn Villa þar sem leikið var fyrir luktum dyrum vegna COVID-19.
Það er öðruvísi tilfinning sem fylgir því að spila leiki í dag en vonandi verða stúkurnar fullar á nýju ári.
„Þetta eru orðnir leikir sem spilast alveg eins og minna á æfingaleiki þar sem engir stuðningsmenn eru," sagði Matic.
„Faraldurinn hefur gjörbreytt leiknum og ég er viss um að Liverpool hefði aldrei tapað 7-2 gegn Aston Villa fyrir framan stuðningsmenn."
„Fótboltinn lifði af en ég sakna þess að heyra læti á völlunum og viðbrögð frá stuðningsmönnum."
Athugasemdir