Maxim Tsigalko, fyrrum framherji Dinamo Minsk í Hvíta-Rússlandi, er látinn aðeins 37 ára að aldri en félagið tilkynnti þetta í dag. Hann er hvað mest þekktur í samfélagi tölvuleiksins Championship Manager 2001-2002.
Raunverulegt nafn hans er Maksim Tsyhalka en var þýtt yfir í Maxim Tsigalko í leiknum. Hæfileikar hans þar voru ótrúlegir og oftar en ekki besti leikmaðurinn sem hægt var að kaupa fyrir lítið fé.
Hann var einhverskonar „költ"-hetja í samfélagi Championship Manager en hann var betri en margir af bestu framherjum heims á þessum tíma í leiknum.
Tsyhalka spilaði lengst af með Dinamo Minsk í heimalandinu og vann þar bæði deild- og bikar. Hann lék tvo landsleiki fyrir Hvíta-Rússland og skoraði eitt mark.
Hann spilaði þar með tvíburabróður sínum, Yuri, sem var markvörður liðsins en Maksim lagði skóna á hilluna árið 2008 en lífið reyndist honum erfitt eftir ferilinn og glímdi hann við alvarleg heilsufarsvandamál.
Maksim fannst látinn í dag en ekki er vitað hvernig hann lést.
„Það lét mig enginn af vita af þessum leik því það þekkti enginn leikinn í Hvíta-Rússlandi á þessum tíma. Ég heyrði fyrst af hæfileikum mínum í leiknum frá rússneskum blaðamanni og ég kom af fjöllum. Hann sagði mér að ég væri vinsælasti leikmaðurinn í leiknum og ég trúði ekki mínum eigin augum," sagði Tsyhalka.
„Ég vissi ekki af tilveru leiksins og hló. Ég áttaði mig seinna á því að ég hefði getað grætt pening á þessu en það var of seint því miður."
🥀 На 38-м году жизни перестало биться сердце Максима Цыгалко...
— ФК Динамо Минск (@FC_Dinamo_Minsk) December 25, 2020
Воспитанник минского "Динамо", выступавший за команду в сезонах 2001-2004, провел 65 матчей и забил 28 голов.
Чемпион Беларуси, обладатель Кубка страны в составе "Динамо".
Вечная память!#fcdm1927 #ЛегендыДинамо pic.twitter.com/ep8On4Up85
Athugasemdir