Valgeir, sem er 17 ára gamall, á að baki 28 leiki með meistaraflokki Fjölnis og spilaði mikilvægt hlutverk er liðið lék í Pepsi-deildinni á síðasta tímabili.

Valgeir á að baki sex leiki fyrir yngri landslið Íslands, þar af fimm leiki fyrir U17 ára landsliðið og einn leik fyrir U18 ára landsliðið.

Hann mun verja næstu dögum á reynslu hjá danska félaginu Bröndby en íslenski A-landsliðsmaðurinn Hjörtur Hermannsson er á mála hjá félaginu.

Valgeir er samningsbundinn Fjölni fram í október og var valinn efnilegasti leikmaður Fjölnis á lokahófi félagsins á síðasta ári.