Amir Malik, asískur fjölskyldufaðir, fór með fjölskyldu sinni að horfa á goðsagnir Liverpool spila gegn goðsögnum AC Milan á laugardaginn. Hann og sex ára sonur hans urðu fyrir barðinu á kynþáttaníði frá öðrum stuðningsmanni Liverpool.
Malik tilkynnti þetta strax til vallarstarfsmanna og er mjög ánægður og þakklátur með hvernig málið var höndlað af lögreglu og félaginu sjálfu.
Maðurinn, sem er 37 ára og frá Norður-Írlandi, játaði sök sína og hefur verið dæmdur í lífstíðarbann frá Anfield.
Liverpool setti sig í samband við fjölskylduna til að bjóða stuðning sinn og ítreka að allir eru velkomnir á Anfield, sama hver uppruni þeirra er.
Just want to thank @MerseyPolice for dealing with a racist individual who hurled abuse at me and my 6yr old boy at the @LFC game on Saturday. The way you dealt with the situation and looked after both my kids was amazing thank you very much. #YNWA
— Amir Malik (@AmirMalik86) March 25, 2019
Athugasemdir
