Hinn 56 ára gamli Phelan var búinn að taka við starfinu hjá Central Coast Mariners þegar hann samþykkti að snúa aftur til Manchester United í desember síðastliðnum.

Phelan var áður aðstoðarmaður Sir Alex Ferguson og sneri hann aftur þegar United kallaði í desember. Hann hefur hjálpað Solskjær að koma United aftur á strik.

Líklegt þykir að Solskjær fái starfið til frambúðar. Ef það gerðist, verður þá Phelan áfram starfandi hjá félaginu sínu í Ástralíu?

„Það snýst um hvernig hlutirnir þróast á næstu mánuðum," sagði Phelan við FOX Football hlaðvarpið.

„Þegar ákvarðanir eru teknar í Englandi þá held ég að við munum ræða við Mariners og vonandi getur samstarfið eitthvað haldið áfram. Þetta er gott samstarf."

„Ég vil klárlega halda áfram að sýna Mariners áhuga."

Phelan, sem er í miklu uppáhaldi hjá stuðningsmönnum United, fór til Ástralíu í landsleikjahléinu.