Sandro Tonali, lykilmaður í U21 árs landsliði Ítalíu, var í dag dæmdur í þriggja leikja bann fyrir að hafa fengið rautt spjald í 1-1 jafnteflinu gegn Tékklandi í gær.
Tonali fékk að líta rauða spjaldið á 84. mínútu en hann sparkaði í Ondrej Sasinka.
Ítalía missti tvo leikmenn af velli en Ricardo Marchizza fékk að líta tvö gul spjöld.
Marchizza fer í eins leiks bann og þá fer Matteo Gabbia einnig í eins leiks bann fyrir óíþróttamannslega hegðun.
Tonali mun missa af næstu þremur leikjum en liðið á tvo leiki í riðlinum gegn Spánverjum og Slóvenum. Hann myndi þá líka missa af 8-liða úrslitum mótsins.
Athugasemdir