Lærisveinar Mourinho eru þessa stundina í landsliðsverkefnum á meðan hann er í Lundúnum að sinna öðrum verkefnum.

AIA, helsti styrktaraðili Tottenham, er með leik sem heitir Game on with Mourinho en þar svarar hann spurningum frá stuðningsmönnum í gegnum streymi.

Hann var spurður út það hvernig hann höndlar gagnrýni fyrir leikstíl sinn og var svar hans afar einfalt.

„Ég er nokkuð viss um það að enginn ræðir geimflaugavísindi við þá sem vinna hjá NASA. Þeir halda að þeir geti rætt fótbolta við einn mikilvægasta knattspyrnustjórann í leiknum. Það er fegurðin við fótboltann. Ég er orðinn vanur þessu og kann að meta þetta, svo mér er alveg sama," svaraði Mourinho.