Franck Kessie, leikmaður AC MIlan á Ítalíu, er fastur á Fílabeinsströndinni en stjórnvöld þar í landi hafa lokað landamærunum og hefur allt flug verið lagt niður.
Kessie er lykilmaður á miðju Milan en hann flaug heim á meðan ástandið versnaði á Ítalíu vegna kórónaveirunnar.
Leikmenn Milan eru allir að snúa til baka til Ítalíu en æfingar hefjast þann 4. maí næstkomandi.
Stjórnvöld á Fílabeinsströndinni hafa lokað landamærum og er Kessie því fastur þar en óvíst er hvenær hann má snúa aftur til Ítalíu.
Hann er ekki eini leikmaðurinn sem er ekki mættur aftur til Mílanó en Zlatan Ibrahimovic er enn í Svíþjóð og æfir með Hammarby þessa stundina.
Athugasemdir