Wagner Ribeiro, fyrrum umboðsmaður Neymar, staðfesti í samtali við ESPN að Real Madrid hafi reynt að ganga frá kaupum á Neymar í fyrra og að forseti félagsins, Florentino Perez, sé enn afar áhugasamur.
Paris Saint-Germain er talið vilja rúmlega 200 milljónir evra fyrir Neymar, sem er samningsbundinn félaginu þar til í júní 2022.
Barcelona er talinn líklegasti áfangastaður stórstjörnunnar, sem gæti þó enn farið til Madrídar þar sem Börsungar eiga líklega ekki efni á honum.
„Ég fór oft til Madrídar þar sem það hefur lengi verið draumur Florentino Perez að kaupa Neymar," sagði Ribeiro.
„Í fyrra sagðist hann enn halda í drauminn. Neymar gæti vel farið frá PSG í sumar."
Neymar er búinn að skipta um umboðsmann en Ribeiro starfar enn fyrir hann sem ráðgjafi.
Athugasemdir