GG frá Grindavík er að byrja þetta mót vel og er á toppnum í C-riðlinum. GG fór vestur í dag og vann þar 2-0 sigur gegn Herði. Mörkin komu með stuttu millibili í fyrri hálfleiknum.

GG hefur unnið fyrstu þrjá leikina á meðan Hörður er með þrjú stig að þremur leikjum loknum.

Hinn leikur dagsins var í D-riðli og þar hafði Elliði betur gegn KFS á heimavelli. Elliði leiddi 1-0 í hálfleik og var komið í 2-0 eftir 10 mínútur í seinni hálfleik. Þriðja mark Elliða kom á 75. mínútu áður en KFS minnkaði muninn í 3-1.

Í uppbótartíma skoraði Bjarki Ragnar Sturlaugsson fjórða mark Elliða. Lokatölur 4-1.

Elliði er á toppnum í D-riðli með sjö stig eftir þrjá leiki. KFS er í þriðja sæti með þrjú stig eftir tvo leiki.

C-riðill
Hörður Í. 0 - 2 GG
0-1 Sigurður Þór Hallgrímsson ('17)
0-2 Jón Unnar Viktorsson ('23)

D-riðill
Elliði 4 - 1 KFS
1-0 Pétur Óskarsson ('13)
2-0 Styrmir Erlendsson ('55)
3-0 Nikulás Ingi Björnsson ('75)
3-1 Erik Ragnar Gíslason Ruiz ('86)
4-1 Bjarki Ragnar Sturlaugsson ('91)
Rautt spjald: Birkir Hlynsson, KFS ('93)