Spænski miðjumaðurinn Gabi Hernandez verður aðstoðarþjálfari Atlético Madríd fyrir næsta tímabil en þetta kemur fram í spænskaa miðlinum Marca.
Gabi er uppalinn hjá Atlético en hann var lykilmaður í liðinu frá 2011 til 2018 áður en hann samdi við Al Sadd.
Hann var partur af mögnuðu liði Atlético sem komst tvisvar í úrslitaleik Meistaradeildarinnar. Þá vann hann spænsku deildina einu sinni og Evrópudeildina tvisvar með liðinu.
Samningur hans við Al Sadd rennur út í sumar og mun hann taka við sem aðstoðarþjálfari hjá Atlético í kjölfarið.
German Burgos er aðstoðarmaður Diego Simeone en mun hætta eftir þetta tímabil.
Athugasemdir