Enska úrvalsdeildarfélagið Manchester United ætlar að leyfa Dean Henderson að klára tímabilið með Sheffield United en þetta kemur fram í Telegraph.
Henderson er 23 ára gamall og uppalinn hjá Man Utd en hann hefur verið á láni hjá Sheffield United síðustu tvö tímabilin.
Hann hefur verið magnaður á milli stanganna hjá Sheffield en lánssamningur hans á að renna út í lok júní.
Samkvæmt Telegraph mun Man Utd leyfa honum að klára tímabilið með Sheffield United þrátt fyrir að liðin eru í harðri baráttu um Meistaradeildarsæti.
Sheffield United er aðeins tveimur stigum á eftir Man Utd en á þó leik inni.
Henderson má spila í öllum leikjum deildarinnar en fær ekki að vera með þegar liðið mætir Man Utd á Old Trafford.
Athugasemdir