Talið er að hann sé að semja við Barcelona en það er spurning hvort Liverpool næli sér í miðjumann í sumar í staðinn fyrir Wijnaldum.

Het Nieuwsblad í Belgíu segir að Youri Tielemans sé á lista Liverpool fyrir sumarið ef þeir skyldu kaupa sér miðjumann í sumar. Tielemans leikur með Leicester og á tvö ár eftir af samningi sínum þar.

Það er talið að Manchester United, sem og stærstu félög Spánar, hafi einnig áhuga á þessum öfluga miðjumanni Leicester.

Tielemans var leikmaður ársins hjá Leicester sem rétt missti af Meistaradeildarsæti.