Það var sóknarmaðurinn Gerard Moreno sem kom gula kafbátnum yfir eftir aukaspyrnu. Enn og aftur er Man Utd að fá á sig mark eftir fast leikatriði en það hefur líklega verið versti óvinur liðsins á tímabilinu.

Markið má sjá með því að smella hérna.

„Lindelöf verður að vera sterkari þarna. Hann verður að halda boltanum fyrir framan sig. Þetta er góð afgreiðsla og góð fyrirgjöf," sagði Dion Dublin, fyrrum sóknarmaður Man Utd, á BBC.

Ole Gunnar Solskjær, stjóri Man Utd, er allt annað en sáttur og hefur sýnt reiði á hliðarlínunni með frammistöðu síns liðs.

Það er nóg eftir af leiknum en hægt er að fylgjast með gangi mála í úrslitaþjónustu á forsíðu.