„Ég held að þetta hafi verið mjög "professional" og frá fyrstu mínútu tókum við þessum leik alvarlega og sýndum það og sönnuðum að við tökum öllu alvarlega og þetta var bara flottur sigur. “Sagði Júlíus Magnússon fyrirliði Víkinga eftir 7-0 sigur Víkinga á Haukum í 32 liða úrslitum Mjólkurbikarsins fyrr í kvöld.
Lestu um leikinn: Haukar 0 - 7 Víkingur R.
Víkingar voru langtum sterkari aðilinn allar 90 mínútur leiksins og var það einkennandi hversu alvarlega Víkingar tóku leikinn að þegar hægðist á leik þeirra í stöðunni 3-0 um miðjan fyrri hálfleik voru Arnar Gunnlaugsson og Sölvi Geir Ottesen aðstoðarmaður hans fljótir að öskra menn í gang.
„Það er akkúrat tíminn sem menn slökkva á sér. Þegar maður hugsar það eftir leik er það alveg skiljanlegt að það sé mómentið sem maður missir aðeins fókus en það er tíminn til að snúa þessu við og læra af svona augnablikum þegar þú ert kominn á einhvern þægilegan stað. Sem hefur verið að gerast í sumum leikjum í deildinni sem okkur hefur liðið of þægilega og komnir í of góða stöðu og fáum á okkur mark í stað þess að halda hreinu og halda leiknum í okkar höndum þá missum við hann aðeins frá okkur og þá er okkur stundum refsað.“
Á Júlíus sér óskamótherja í næstu umferð?
„Nei það getur allt gerst en ég er bara spenntur að sjá.“
Sagði Júlíus en allt viðtalið má sjá hér að ofan.
Athugasemdir