Albert kom inn á fyrir Alfreð Finnbogason á 86. mínútu. Alfreð var ekki sáttur við það að fara út af, en Guðmundur Benediktsson, sem lýsti leiknum, faðir Alberts, segir að skiptingin hafi komið sér eilítið á óvart.

„Fyrst og fremst er ég stoltur fyrir hans hönd en ef ég á að vera heiðarlegur þá kom skiptingin, að taka Alfreð út af á þessum tímapunkti, mér á óvart. Alfreð er maður sem er alltaf líklegur til að gefa þér mark. Það kom mér að sama skapi ekki á óvart að hann skyldi koma inn á," sagði Gummi á RÚV eftir leikinn.

„Ég er mjög ánægður fyrir hans hönd og líka stoltur sjálfur."

Sjá einnig:
Albert: Þarf að fá að spila alvöru mínútur á næstu leiktíð